మా అమ్మ - 8 అబద్ధాలూ !

Written by Raghavanand Mudumba

 

మేము ఒక పేద కుటుంబలో పుట్టాము . నేను అమ్మ నాన్న !

ఇది నా చిన్నప్పటి సంగతి . తినడానికి సరిగా ఉండేది కాదు . అమ్మ తన అన్నం నా కంచం లో పెడుతూ " ఈ అన్నం కూడా తినరా ! నాకు ఆకలిగా లేదు "
అది మొదటి అబద్ధం
-----------------------------------------------------------------------------------------------------------
కూర వండడం కోసం అమ్మ పక్కనే ఉన్న నదిలో చేపలు పట్టేది . ఒక రోజు రెండే చేపలు పడ్డాయి . వాటితో పులుసు చేసింది . నాకు వడ్డించింది . నేను చేపను తింటూ ముళ్ళు వదిలేస్తుంటే ఆ ముల్లుకు ఉన్న కొంచెం చీకుతోంది . నేను రెండో చేపను అమ్మ కంచం లో వేశాను .
" వద్దురా ! నాకు చేపలు ఇష్టం కాదు " అంది
అది రెండో అబద్ధం
-----------------------------------------------------------------------------------------------------------------
అమ్మ అప్పుడు అగ్గ్గిపెట్టేల ఫ్యాక్టరీ లో పని చేసేది . అక్కడ పని చెయ్యడమే కాక ఇంటికి తెచ్చుకుని రాత్రి పుల్లలు పెట్టెల్లో పెడుతూ ఉండేది . ఒక రోజు రాత్రి 1 గంటకి నేను లేచి చాలా లేట్ అయ్యింది . పొద్దున్న చేసుకోవచ్చులే పడుకోమ్మా అన్నాను
అమ్మ నవ్వుతూ " నువ్వు పడుకోరా ! నాకు ఇంకా నిద్ర రావడం లేదు " అంది
అది అమ్మ మూడో అబద్ధం
----------------------------------------------------------------------------------------------------------------
నేను టెన్త్ పరీక్షలకి రాయడానికి అమ్మ కూడా వచ్చింది . పరీక్ష హాలు ఎదురుగా ఒక చెట్టుకింద కూర్చుంది 12 గంటలకి పరీక్ష అవ్వగానే అమ్మ దగ్గ్గరకి వెళ్లాను . అమ్మని కౌగలించుకున్నాను . పరీక్ష బాగా రాశానని చెప్పాను . అమ్మ నన్ను ముద్దు పెట్టుకుంది . చేతిలో చెరుకు రసం గ్లాసు పెట్టింది . నేను తాగుతూ అమ్మకేసి చూశాను . చెమటలు పట్టి తడిసిపోయిన జాకెట్టు . నా చేతిలో గ్లాసు ముందుకు చాపి తాగ మన్నాను .
" లేదురా ! నాకు దాహంగా లేదు " అంది
అది అమ్మ నాలుగో అబద్ధం
-----------------------------------------------------------------------------------------------------------------
నాన్న చచ్చిపోయాడు . అమ్మ ఒక్కత్తే ఇంటి బాధ్యత అంతా మోసేది . పక్కింటి ఆయన అప్పుడప్పుడు సహాయం చేసే వాడు . ఇరుగు పొరుగు వారు అమ్మతో ఆయన్ని పెళ్లి చేసుకోమని చెప్పడం నేను విన్నాను . వాళ్ళతో ఆమె అన్నది
" నాకు ప్రేమలు అవుసరం లేదు " అని
అది అమ్మ చెప్పిన ఐదో అబద్ధం
---------------------------------------------------------------------------------------------------------------
నా చదువు పూర్తి అయ్యింది . అమ్మ రిటైర్ అవ్వాల్సిన సమయం వచ్చింది అని చెప్పాను . అలా కాదురా నాకు తోచదు . నేను మార్కెట్ లో కూరగాయలు అమ్ముతాను అంది . నేను ప్రతీ నెలా అమ్మకు డబ్బు పంపుతున్నాను
" నా దగ్గర చాలా డబ్బులు ఉన్నాయిరా " అంటూ డబ్బులు వెనక్కు పంపింది
అది అమ్మ చెప్పిన ఆరో అబద్ధం
-------------------------------------------------------------------------------------------------------------
అమెరికన్ కార్పోరేషన్ ఆర్ధిక సహాయం తో ఎం ఎ పార్ట్ టైం కోర్స్ చేశాను . నా ఉద్యోగం లో పెద్ద అభివృద్ది . అమెరికా వెడుతూ అమ్మను రమ్మన్నాను . కొడుకును ఇబ్బంది పెట్టడం అమ్మకు ఇష్టం లేదు
" నేను అంత ఉన్నత జీవితానికి అలవాటు పడలేనురా " అంది
అది అమ్మ చెప్పిన ఏడో అబద్ధం
----------------------------------------------------------------------------------------------------------------
అమ్మ వృద్ధాప్యం లోకి వచ్చేసింది . ఆమెకు కేన్సర్ . హాస్పిటల్ లో ఎడ్మిట్ అయ్యింది . ఆపరేషన్ చేశారు . సముద్రాలు దాటి అమ్మను చూడడానికి వచ్చిన నాకు అమ్మను బక్క పలచటి అమ్మను చూస్తే గుండె బద్దలయ్యింది . నాకు ఏడుపు ఆగటం లేదు . అమ్మ నన్ను చూసి లేవడానికి ప్రయత్నం చేస్తూ నవ్వ బోయింది .
" లేదురా నొప్పి ఏమీ లేదు " అంది
అది అమ్మ చెప్పిన ఎనిమిదో అబద్ధం
ఎనిమిదో అబద్ధం చెబుతూ అమ్మ చచ్చిపోయింది నా చేతుల్లో

.
YES, MOTHER IS ALWAYS AN ANGEL!
M - O - T - H - E - R

Courtesy: Face Book

 

 

పుస్తకాలయందు కల్తీ పుస్తకాలు వేరయా....

ఈనాడు వార్తపత్రిక ఎలా రాస్తుందంటే ఆంధ్ర ప్రదేశ్ ని ఒక్క చంద్రబాబునాయుడు మాత్రమే అభివృద్ధి చేయగలడనీ, అతను మాత్రమే రాష్ట్రాన్ని ఉన్నపళంగా సింగపూర్ లా చేసేస్తాడనిపించేలా వార్తలు రాస్తుంది.. ఎందుకంటే రామెజీరావుకి టి.డి.పి. విజన్ ఇంపొర్టట్ కాబట్టి.

అదే సాక్షి వార్తపత్రిక విషయానికి వచ్చేసరికి జగన్ ఒక దైవ దూతగా, రాష్టాన్ని, ప్రజలను కాపాడడానికి ఆ యేసు పంపిన ప్రత్యేక దూత అని ఇంకా ఏవోయో రాస్తుంది. దానికి కర్మ, కర్త, క్రియ అన్ని జగనే కాబట్టి.

ఇక టి.వి.9 వాడైతే రవిప్రకాశ్ కి ఏది రైటు అనిపిస్తే అది ఒప్పు గాను, ఏది రాంగు అనిపిస్తే అది రాంగుగాను అనిపిస్తుంది. అదే పద్దతి వారి దగ్గరకి వచ్చేసరికి వేరే విధంగా ఉంటుంది. ఎందుకంటే వారికి టి.ఆర్.పి.రేటింగు మాత్రమే ముఖ్యం కాబట్టి.

మంచి వక్త లేక అనుభవజ్ణుడ్ని ఎవరైనా మీ విజయరహస్యం ఏమిటని అడిగితే పుస్తకాలు చదవడం అని చాలా మంది చెపుతారు. అదీ నిజమే.  మనం పురాణాలైన, చరిత్రైనా, సైన్సు ఐనా మరేదైనా పుస్తకాలు చదవడం ద్వారానే తెలుసుకుంటున్నాము. ఆ చదివినదాన్నే గుర్తుపెట్టుకొని విజ్ణానం పెంచుకుంటున్నాము.  రాముడికి సీత ఏమవుతుంది అని అడిగితే బార్య అవుతుంది అని మనకి ఎలా తెలుసు? రామాయణం చదవడం వల్లనే కదా.. అలాగే మార్కిజం, కమ్యూనిజం ఇలా నానారకాల యిజాలు కూడా పుస్తకాలు చదవడం ద్వారానే తెలుసుకుంటున్నాము. మనకి ఏదైనా కొత్త విషయం తెలుసుకోగలుగుతున్నామంటే ఏదోక పుస్తకం చదవడం ద్వారానే.

ఆయితే పుస్తకాల్లో చదివినదంతా నిజమేనా అని అడిగితే అవునని, కాదని చెప్పే పరిస్దితిలో ప్రస్తుతం ఉన్నామనిపిస్తుంది నాకు. ఈ మధ్య వెలుగులోకి వచ్చిన కొన్ని సంఘటనలు చూస్తుంటే మెరిసేదంతా బంగారం కాదన్నట్టు, మనం చదివేదంతా నిజం కాదని అనిపిస్తుంది.  చరిత్రని వక్రీకరించి రాసిన చెత్తనే చదువుకొని అదే నిజమని అనుకొనే భ్రమల్లో ఉన్నాం.

స్వాతంత్రం వచ్చిన తర్వాత అత్యధిక కాలం పాటు అధికారంలో ఉన్న కాంగ్రెసు  ప్రభుత్వాలు ప్రాధమిక, మాధ్యమిక మరియు ఉన్నత విద్యా పాఠ్యంశాల్లో వాళ్ళ నాయకుల సోది తప్ప ఏదయినా విషయాన్ని చెప్పగలిగాయా.. డిగ్రీ పూర్తయిన తర్వాత వివిధ పుస్తకాలు , బయోగ్రఫి చదివిన తర్వాత, తూస్.. వీళ్ళ గురించా ఇంత గొప్పగా ఊహించుకున్నది అని ప్రతి ఒక్కడికి అనిపించకమానదు.  స్వాతంత్రం సిద్దించడంలో ఒక్క గాంధీ, నెహ్రూలకు మాత్రమే స్దానం ఉందన్నట్టుగా మన పిల్లల పాఠ్యపుస్తకాలు రూపొందించారు. చరిత్ర చెప్పినప్పుడు మంచి పనులు,చెడ్డ పనులు రెండూ మిళితం చేసి చెప్పాలి గానీ, మంచి పనులు మాత్రమే ముద్రించి మిగతావి ముద్రించకుండా ఉంటే తప్పులు దాచేయవచ్చు అనుకోవడమంతా తెలివితక్కువ పని ఇంకొకటి లేదని వీళ్ళకి అప్పుడు తెలియలేదా?

నేతాజీ సుభాశ్ చంద్రబోస్ మరణం గురించి తదనంతర పరిణామాల గురించి ఇప్పటికీ సరయిన సృష్టత లేదు.  సృష్టత ఇవ్వలేనంత దౌర్బగ్య పరిస్దితిలో ఉన్నాయనుకోవాలా మన ప్రభుత్వాలు? అలాగే లాల్ బహుదుర్ శాస్త్రి గారి అకస్మిక మరణం కూడా సృష్టత లేనిదే. నెహ్రూ గారు చేసిన మంచి పనులు చిన్నప్పుడే మా బుర్రల్లోకి ఎక్కించడానికి ప్రయత్నం చేసారు గానీ, ఆయన గారు చేసిన నిర్వాకాలు గురించి తెలిసినపుడు వాడంతా సన్నాసి ఇంకొకడు ఎవడైనా మన భారత దేశ చరిత్ర అంతా తిరగేసినా ఉంటాడని నేను అనుకోవడం లేదు.

పాలు యందు కల్తీ పాలు వేరయా అన్నట్టు పుస్తకాలయందు కల్తీ పుస్తకాలు వేరయా అని చెప్పాలి. చరిత్రని తమకు అనుకూలంగా మార్పులు చేసి, లేదా పూర్తిగా  మార్చివేసి సమాజంను తప్పుదోవ పట్టించడం అనేది ఈ నాటిది కాదు. క్రీస్తు మరణాంతరం నుండే అది మొదలయింది. క్రీస్తు మరణించిన 150 సం.రాల తర్వాత ఆయన జీవితంను పుస్తకరూపంలోకి తీసుకువస్తే, అది ఇన్నేళ్ళల్లో ఎన్ని వక్రీకరణలకు గురయిందో చరిత్రని అపౌహన పట్టిన వారికి అర్ద్రమవుతుంది. ఇప్పుడు కొత్తగా రామాయణం, భారతం లను కూడా వక్రీకరించి తమకు అనుకూలంగా మార్చుకొనే పనిలో కొన్ని హిందూ ధార్మిక సంఘాలు ప్రయత్నిస్తున్నాయన్న వార్తలు కలవరం కలిగిస్తున్నాయి.

క్రీస్తు పూర్వానికి ముందే నాగరికతతో అంగరంగ వైభవంగా వెలుగులు వెలిగిన పలు ప్రాంతాలు చరిత్రలో ఉన్నప్పట్టికీ, మేము పుట్టిన తర్వాతే నాగరికత అంటే ఏంటో ప్రపంచానికి తెలిసిందని సొల్లు కబుర్లు చెప్పే సన్నాసులు రాసే పుస్తకాలు ఇబ్బడిముబ్బడిగా విపణిలో ఉండడం మన దురదృష్టం అనుకోవాలి.

 ఒక పుస్తకం చదవాలి అని నిశ్చయించుకొన్నప్పుడు అందులో ఉన్న అంశాలు  నిజమైనవా, కాదా అని తెలుసుకోవడానికి వేరోక పుస్తకం మీద ఆధారపడవల్సిన ఖర్మ ఏర్పడింది. 

చంద్రబాబు నాయుడు గురించి రామోజీ రావు రాసే సొల్లు, జగన్ గురించి సాక్షి చెప్పే సొల్లు, రామాయణం గురించి రంగనాయకమ్మ రాసిన సొల్లు, నెహ్రూ గురించి మన పాఠ్యాంశాల్లో రాసిన సొల్లు చదువుతూ పోతే ఏది అసలో, ఏది చెత్తో తెలియని అయోమయంలో నాలాంటి వాడు ఎందుకు పనికిరాకుండా పోతాడు. నిజనిజాలతో వీళ్ళు ఎవరికీ పని లేదు. జస్ట్ వీళ్ళ పైత్యంను అంతా జనాల మీదకి వదలడమే తప్ప వేరే ఏమి లేదు.

ఇప్పుడంతా ఎలా ఉందంటే ఒక అబద్దాన్ని వంద సార్లు నిజమని చెపితే అదే నిజమని భావిస్తారట. అలా ఉంది ఇప్పుడు... అలా వంద అబద్దాల్ని వంద సార్లు కాదు కదా లక్ష సార్లు ఇల్లెక్కి మరీ అరుస్తున్నారు. 

 ఇందులో చెప్పింది చాలా తక్కువ.  ఇది మాత్రం అక్షరాలా సత్యం./.

చిత్ర సౌజన్యం: గూగుల్

59, 66, 38, 28..

ఈ కొలతలేంటి! దేనికీ సెట్ కాకుండా వింతగా ఉన్నాయి అనుకుంటున్నారా?

మనం బ్లాగోపాఖ్యానం ప్రారంభించిన తర్వాత సం.రాల వారీగా నా మెదడులోంచి బయటపడిన పనికిమాలిన రాతల దొంతరలు సంఖ్య...

2011 లో మొదలుపెట్టిన నా రొద 59 పోస్టులు నుండి మొదలయి 2012లో ఆంధ్రప్రదేశ్ రాజధాని తుళ్ళూరులో భూముల ధరల పెరిగినట్టు 66 కి పెరిగి ఆ తర్వాత 2013, 2014 ల నాటికి పెట్రోలు ధరలు క్రిందకి దిగుతున్నట్టుగా 38 అక్కడ నుండి 28కి పడిపోవడం చూస్తుంటే....

పెరుగుట విరుగుట కొరకే అని పెద్దలు ఏనాడో చెప్పిన సామెత గుర్తుకి వచ్చిందా మీకు!!

కానీ అది నిజ్జం కాదు సుమీ!!

నేర్చుకోవడం అనే ప్రక్రియ కొద్దిగా మందగించింది.. ఎందుకంటే స్వేచ్చగా బ్రతుకుతున్న నన్ను చూసి కొంత మంది కుళ్ళుకొని పెళ్ళి అనే చక్రబంధంలో బంధించేసారు కాబట్టి...  నిరంతరం నేర్చుకుంటూ ఉంటేనే కొత్త కొత్త విషయాలు తెలుస్తాయి. కొత్త విషయాలు తెలుస్తూ ఉంటేనే ఏదైనా రాయగలము..  అంతే కదండీ!!!

ఇక చెప్పేదేముంది... ఆ తర్వాత నేను నేర్చుకుంటున్నదల్లా ప్రపంచంలో పెళ్ళయిన తర్వాత ప్రతి జీవి పడే జీవిత విన్యాసాలే..... పోనీ అవయినా రాయచ్చుగా అనుకుంటే అలాంటివి చూడడానికే తప్ప రాతలకి అందనివి అని అర్ద్రం చేసుకోవడానికి పెద్దగా సమయం కూడా పట్టలేదు మరి నాకు...

ధృతరాష్ట కౌగిలి

మొన్నటి ఎన్నికల్లో కేంద్రం మరియు రాష్ట్రంలో అధికారం నుండి దుష్ట కాంగ్రెసుని ఎలాగైనా పాతరేయాలని నిశ్చయించుకొని ఆ పని కానిచ్చేసి మంచి పని చేసామన్న భావనలో ఉన్న నాలాంటి చాలా మందికి ప్రస్తుత బి.జి.పి. విధానాలు చూస్తుంటే పునరాలోచనలో పడేటట్టుగా చేస్తుందేమో అన్న అనుమానం కల్గుతుంది.

బి.జె.పి. కాంగ్రెసుకు పూర్తిగా భిన్నమైన పార్టి అని, దానికిలా అవకాశవాద రాజకీయాలకు పాల్పడదని, ప్రజలు లేదా ప్రాంత ప్రయెజనాలను దృష్టిలో పెట్టుకొని మాత్రమే నిర్ణయం తీసుకుంటుందని భావిస్తే, దాని అంత పెద్ద జోక్ ఇంకొకటి లేదని బల్ల గుద్ది చెప్పొచ్చు.

ఈ మధ్య కాలంలో మరియు విభజన బిల్లుకి మద్దతు విషయంలో దాని విధానం చూస్తే కాంగ్రెసుకి, వీరికి పెద్దగా తేడా ఏమి లేదని అర్ద్రం చేసుకోవచ్చు. ఊడగొట్టుకోవడానికి ఏ రాయి ఆయితేనేమి అన్న పరిస్దితిలో మనం ఉన్నాం.

మొన్నటి ఎన్నికల్లో తమకొచ్చిన మెజారిటీని చూసి అది పూర్తిగా తమ గొప్పతనంగా భావించి క్రెడిట్ తమ ఖాతాలో వేసుకోవాలని భావిస్తే దానిని శుద్ద తప్పుగా చెప్పొచ్చు.  వాస్తవానికి  కాంగ్రెసు పార్టి మీద ఉన్న వ్యతిరేకతతోనే అఖండ మెజారిటీ సాధించింది తప్ప తన సొంత అజెండాకి దక్కిన మద్దుతుతో కాదు.  పైగా ఆ పార్టికి దక్షిణాదిలో సరయిన కేడర్ అనేదే లేదు. ప్రాంతియ పార్టిలతో పొత్తు పెట్టుకోవడం ద్వారా ఇప్పటి వరకు తన ఉనికిని కాపాడుకుంటూ వస్తుంది.

గత పదేళ్ళుగా కాంగ్రెసు ప్రభుత్వ పాలనతో, కుంభకోణాలతో విసిగిపోయి ప్రత్యామ్నయంగా బి.జె.పి.ని ఎన్నుకున్నారన్న విషయంలో ఎటువంటి అనుమానం అవసరం లేదు. ఆయితే కాంగ్రెసును కాదనుకున్నందునే బి.జె.పి.కి అధికారం దక్కిందంటే తొంభయి శాతం ఆవుననే చెప్పోచ్చు.  ఆ విధంగా ఆయితే బి.జె.పి. మాత్రమే ఎందుకు లాభపడాలి. మిగతా పార్టిలు కూడా లాభపడాలి కదా అని మనకి అనిపించొచ్చు. ఆయితే ఇక్కడ బి.జె.పి. తన ప్రొడక్టు ఆయిన మోడీని ప్రజల్లోకి బాగా ముందుగానే  పబ్లిష్ చేసింది. మరియు దేశవ్యాప్తంగా కాంగ్రెసు తప్పితే ఒక్క బి.జె.పి.కి మాత్రమే చెప్పుకోదగ్గ కేడర్ ఉంది. మిగతా పార్టీలు ఆయా ప్రాంతాల్లో ఎంతో కొంత పట్టు ఉన్నప్పట్టీకీ ఆ ఒక్కటీ సరిపోలేదు.

రాష్ట్ర విభజన విషయంలో కాంగ్రెసు మీద పీకల్దాక కోపంతో ఉన్నారు సీమాంధ్ర ప్రజలు.  సీమాంధ్ర ప్రయెజనాలను ఏ మాత్రం పరిగణనలోకి తీసుకోకుండా నియంత తరహాలో పార్లమెంటు తలుపులు బిగించి రాష్ట్రం విడగొట్టడం అన్న విషయాన్ని చాలా సీరియస్ గా తీసుకున్న సీమాంధ్ర్ ప్రజలు అందుకు ప్రతిగా ఆ పార్టికి ఒక్క స్దానం కూడా దక్కనీయకుండా చేసారు. వాస్తవానికి అందులో కాంగ్రెసుతో పాటుగా బి.జె.పి. పాత్ర కూడా ప్రముఖంగా ఉంది. బి.జె.పి. సపోర్ట్ లేకుండా బిల్లు పాస్ ఆయ్యే అవకాశం లేదని గొర్రెలు కాసుకోనేవాడికి కూడా తెలుసు. మరి విభజన పాపంలో కాంగ్రెసుతో పాటుగా బి.జె.పి.కి కూడా పాత్ర ఉన్నప్పుడూ దానిని కూడా ప్రజలు తిరస్కరించాలి కదా... అలా చేయలేదంటే దానికి కారణం వేరే ప్రత్యామ్నయం లేకే ఎన్నుకోవలసి వచ్చిందన్నది వాస్తవమే.  

ఇకపోతే ఇక్కడ చంద్రబాబు ఉండడం వలన అక్కడ బి.జె.పి ఉండడం వలన రాష్ట్రానికి ఏదో అభివృద్ది జరిగిపోతుందని ప్రతి ఒక్కరూ భావించారు. ఆయితే చంద్రబాబు చతురత ఏ పాటిదో రాష్ట్ర విభజనకి బి.జె.పి. బేషరతు మద్దతు ప్రకటించినపుడే తేలిపోయింది.  రాష్ట్ర విభజన సమయంలో బిల్లు పాసు కావాలంటే బి.జె.పి.మద్దతు అనివార్యమైన పరిస్దితుల్లో చంద్రబాబు రంగ ప్రవేశం చేయడంతో బి.జె.పి.లోను పెద్దలను తన నియంత్రణలోకి తెచ్చుకోవడం ద్వారా బిల్లునకు వ్యతిరేకంగా అపుజేయించగలరని చాలా మంది ఆశించారు. కాని అలాంటిదేమి జరగలేదు.

రాష్ట్రంను విభజించడం ద్వారా తన లబ్ది చూసుకోవడానికి కాంగ్రెసు ప్రయత్నిస్తే, మేము మాత్రం తక్కువ తిన్నామా అంటూ దానికి ధీటుగా అవకాశ రాజకీయాలకు తెగబడింది తప్పితే ప్రజల ప్రయెజనాలను ఏమాత్రం పట్టించుకోలేదు. ఈ విషయం ప్రజలు ఎందుకనో కాని పెద్దగా పట్టించుకొన్నట్టు లేదు.  చేయవలసిదంతా చేసేసి ఇద్దరు కల్సి చేసిన తప్పుని కాంగ్రెసుమీదకి నెట్టేసి మేము అధికారంలోకి వచ్చిన తర్వాత తప్పుని సరిచేస్తామని డాంబికాలు పలికింది. ఇక్కడెమో పదేళ్ళు పాటు అధికారంనకు దూరంగా ఉండిపోయి, ఈ సారి ఎలాగైనా గద్దెనెక్కి తీరాల్చిందే అన్న పరిస్దితుల్లో ఉన్న బాబు అధికారం దక్కించుకోవడమే ప్రధాన ధ్యేయంగా బి.జె.పి.తో చేతులు కలిపారు. ఆయితే ఇక్కడ కూడా కాంగ్రెసు మీద వ్యతిరేకతే టి.డి.పి.కి ఉపయెగపడింది తప్పితే స్వంత గ్లామర్ కారణంగా అని మాత్రం చెప్పలేము. జగన్ కున్న ఇమేజ్ కూడా టి.డి.పి.కి ప్లస్ ఆయింది. ఆయితే టి.డి.పి.తో పొత్తు విషయంలో కూడా ఎటువంటి కేడర్ లేని సీమాంధ్ర ప్రాంతంలో కూడా చివరి దాకా ఎగస్ట్రాలు చేసింది. ఒకానొక దశలో చంద్రబాబు విసిగిపోయి పొత్తు వదులుకుందామనుకున్న సమయంలో మెట్టు దిగి రాయబారాలు నెరపి పొత్తు నిలబెట్టుకున్నారు.

బి.జె.పి. ముందున్న ప్రస్తుత లక్ష్యం దేశాన్ని అమాంతం అభివృద్ధి పధంలోకి పరిగెత్తించడం అనుకున్నా. ఆయితే దాని లక్ష్యం దేశంలో అన్ని ప్రాంతాల్లో తమ పార్టీ వేళ్ళునడానికి ఎన్ని ఎధవ పనులు చేయాలో అన్ని చేయడమే.  ప్రభుత్వపరంగా చూస్తే మోడీ పనితీరు బాగానే ఉంది. కానీ పార్టీ పరంగా చూస్తే దాని విధానాలు కాంగ్రెసు విధానాలకు ఏ మాత్రం తీసిపోవడం లేదు.  పార్టీ విస్తరించడానికి ఎటువంటి దారినైనా ఎంచుకోవడానికి సిద్దపడుతున్న వైనం చూస్తుంటే అసహ్యం కలగక మానదు. తెలంగాణాలో పార్టీ విస్తరణ కోసం అసమగ్ర విభజనకి సై చెప్పిన బి.జె.పి. ఇటూ ఆంధ్రలో వచ్చిన వ్యతిరేకతను తగ్గించుకోవడానికి తాము అధికారంలోకి రాగానే పరిస్దితులను చక్కదిద్దుతామన్న హామితో ముందుకు వచ్చింది. ఆయితే ఇప్పటికీ ఐదు నెలలు కాలం గడిచినప్పటికీ బి.జె.పి. చెప్పినటువంటి దిద్దుబాటు చర్యలు మచ్చుకు ఒక్కటీ కానరాలేదు.

సీమాంధ్రకి బి.జె.పి. చేసినది ఏమి లేకపోయినా, ఇప్పుడు కాంగ్రెసు కారణంగా ఏర్పడిన రాజకీయ శూన్యతని తాము భర్తీ చేయాలని పాపులు కదుపుతుంది. వచ్చే ఎన్నికల్లో టి.డి.పి.కి ప్రధాన పోటిదారుగా అవతరించినా  ఆశ్చర్యపోనక్కర్లేదు. ఇప్పటికే ఆ దిశగా పాపులు కదుపుతుంది. నాకు తెల్చి 2019 ఎన్నికల్లో చంద్రబాబు పరిస్దితి ప్రస్తుత శివసేన పరిస్దితి ఫేస్ చేయెచ్చునేమో అనిపిస్తుంది.  ఈ విషయమై చంద్రబాబు కూడా సాధ్యమైనంత త్వరగా జాగత్రపడవలసిన అవసరముంది అనిపిస్తుంది.  

బలం లేని చోట మిత్రపక్షాల పేరుతో ఏదొక పార్టి పంచన చేరి, తద్వారా ఆ పార్టికే ఎసరు పెట్టే రాజకీయాలను మొన్నటికి మొన్నే మహరాష్ట్ర ఎన్నికల్లో చూసాము. శివసేన సాయం లేకుండా బి.జె.పి. ఈ స్దితికి వచ్చిందంటే నమ్మేవాళ్ళు ఎవరూ లేరు.  ఇప్పుడు తన మిత్రపక్షంను లొంగదీసుకోవడానికి అవినీతిమయమైన ఎన్.సి.పి.తో జట్టు కట్టడానికి కూడా సిద్దపడిందంటే ఆ పార్టి విధానం ఎంత గొప్పగా ఉందో అర్ద్రం చేసుకోవచ్చు. ఎన్నికల్లో ఎన్.సి.పి.అవినీతిని ఒక అంశంగా తీసుకొని ప్రచారం నిర్వహించిన బి.జె.పి. నేడు ప్రభుత్వ ఏర్పాటులో ఆ పార్టి అఫర్ చేసిన మద్దతుని  రిజెక్ట్ చేయకపోవడం చూస్తే ప్రజల ప్రయెజనాల కన్నా అధికార ప్రయెజనాలే మిన్న అన్న విషయం సృష్టమవుతుంది. ప్రస్తుత బి.జె.పి. అధ్యక్షుడిని చూస్తుంటే కాంగ్రెస్ వాదుల కన్నా రెండాకులు ఎక్కువే చదివినట్టుగా ఆగుపిస్తున్నారు.

ఆంధ్ర, తెలంగాణా రాష్ట్రాల మధ్య నెలకొన్న వివాదాల విషయమై కేంద్ర ప్రభుత్వ తీరు చూస్తుంటే, ఇలాంటి వారినా మనం ఎన్నుకొన్నది అనిపిస్తుంది. తన దుందుడుకు చర్యలతో విభజన చట్టాన్ని, ఉమ్మడి ప్రయెజనాలను పరిహసిస్తున్న తెలంగాణ ప్రభుత్వంను నిలువరించడకుండా చోద్యం చూడడం కాకతాళీయమేమి కాదు. తెలంగాణాలో బలపడాలన్న ఆశయంతోనే తగవులను చూసీచూడనట్టుగా వ్యవహరిస్తుంది. ఇటూ చంద్రబాబు కూడా సీమాంధ్ర ప్రయెజనాలను గాలికొదిలేసి తెలంగాణాలో పార్టీని కాపాడుకొనే లక్ష్యంతో పనిచేస్తుండడంతో సీమాంధ్ర వాదనను బలంగా తీసుకెళ్ళడం లేదు.  అందుకు ప్రత్యామ్నయంగా తెలంగాణా ప్రభుత్వాన్ని చికాకు పెట్టే చర్యలకు ఆంధ్ర ప్రభుత్వం తెగబడుతుంది. నువ్వు ఎందుకు ఇలా చేసావు అని ప్రశ్నిస్తే, మరి నువ్ అలా చేయలేదా అని ప్రశ్నించడం పరిపాలనగా ప్రస్తుత రెండు తెలుగు రాష్ట్రాల పాలన సాగుతుందంటే దానికి కారణం కేవలం కేంద్ర ప్రభుత్వం అవకాశవాదము వలనే.

Picture courtesy: Google