ఆవును. పంచాయితి ఎన్నికల
నగరా మోగింది. రాబోయే ఐదేళ్ళ మన ఊరి భవిష్యత్తు ఇప్పుడు మన చేతుల్లోనే ఉంది. మనకి
ఎలా కావాలంటే, ఎవరికి కావాలంటే వారికి పట్టం కట్టొచ్చు. ఇప్పటి వరకు మనకి ఇబ్బంది కల్గించిన అనేక
అంశాల్లో ప్రభుత్వ వైపల్యాలను, వాటి పని తీరును విమర్శించుకుంటున్నాము. సదరు
నడుస్తున్న ప్రభుత్వమును ఐదేళ్ళ క్రితం మనమే ఎన్నుకున్నాం. అంటే మనచే ఎన్నుకోబడిన
నాయకులే ప్రజల బాగోగులు పట్టించుకోకుండా విమర్శల పాలవుతున్నారు.
ఎక్కడైనా, ఏదైనా
సందర్బంలో ప్రభుత్వ వైపల్యం కనబడినప్పుడు, ప్రభుత్వ పనితీరు మీద అసహనం
వెళ్ళగక్కుతాము. వీరు ఇలాగేనా చేస్తారు
అని ఈసడించుకుంటాము. కానీ సదరు ప్రభుత్వంను ఎన్నికవడంలో మన పాత్ర కూడా ఎంతో కొంత
ఉండే ఉంటుంది. వాళ్ళను ఎన్నుకొనే
సందర్బంలో అతని యొక్క యెగ్యత, పనితీరు, నిజాయితీ, పరిపాలనా దక్షత వంటి లక్షణాలను
చూడకుండా కేవలం పార్టి, మతం, కులం, వర్గం, బంధుత్వం ఆధారంగా ఎన్నుకోవడం వలనే నేడు
ఇలాంటి దుస్దితి ఏర్పడిందని అందరికి తెలుసు...
రేపు ఏదైనా ప్రజా
వ్యతిరేక చర్యలు ప్రభుత్వము తీసుకున్నప్పుడు, దానిని విమర్శించే ముందు ఎన్నికల్లో
మనము సరయిన అభ్యర్దికి ఓటు వేసామా లేదా అనేది అత్మపరిశీలన చేసుకోవాలి. అంటే రేపు
మనం ఎదుర్కోబోయే ఎటువంటి పరిణామాలకైనా మనదే భాధ్యత అనేది గుర్తెరగలి...
మరి కొద్ది రోజుల్లో
పంచాయితీ ఎన్నికలు రాబోతున్నాయి. ఈ ఎన్నికల్లో మనము తీసుకోబోయే నిర్ణయమును బట్టే
మన భవిష్యత్తు ఆధారపడి యుంటుందని అందరూ గుర్తుంచుకోవాలి.
పంచాయితీ ఎన్నికల్లో పోటి
చేయాలంటే ఒక్కొ అభ్యర్ది రమారమి ఆరు నుండి ఎనిమిది లక్షలు ఖర్చు చేయవలసియుంటుంది.
ఆ ఖర్చు ఎందుకంటే ఎన్నికల ప్రచార కాలములో కార్యకర్తలకు మందు, బిర్యానీ సప్లయి
చేయడానికి, ఓటర్లకు రకరకాల బహుమతులు, ఓట్లను కొనడం వంటి కోసం ఖచ్చితంగా ఖర్చు
చేస్తున్నాయి.
ఒక్క అభ్యర్ది తన సొంత
డబ్బు ఎనిమిది లక్షలు ఖర్చు పెట్టి పంచాయితి ఎన్నికల్లో గెలుపొంది, తిరిగి తాను
ఖర్చు పెట్టిన డబ్బు తిరిగి రాబట్టుకోకుండా ఉండగలడా?(రాబట్టుకోక పోతే అతను దివాలా
తీస్తాడు). అలాంటి వ్యక్తి నుండి ఊరి బాగు
కోసం మనం ఏమి ఆశించగలము?
అలాగని డబ్బులు ఖర్చు
చేయకుండా గెలవగలడని ఊహించగలమా?
అస్సలు ఊహించలేము..
ఎందుకు? డబ్బు ఖర్చు పెట్టలేకపోతే జనాలు అతడిని పట్టించుకోనేకోరు. అంటే ఇక్కడ మనము
ఏమి చేస్తున్నాము? డబ్బు ఖర్చు పెట్టగలిగే వాడినే ప్రొత్సాహిస్తున్నాము. అలాంటి
వాడు తాను ఖర్చు పెట్టిన డబ్బు తిరిగి సంపాదించుకోడానికే చూస్తాడు. అంటే
గ్రామాభివృద్ధికి అవసరమైన ఎనిమిది లక్షలు సదరు అభ్యర్ది జేబులోకి పోవడం గ్యారంటీ..
అది అంతటితో అగితే సరి.. కాని ఆగదు కదా.... ఖర్చు పెట్టిన ఎనిమిది లక్షలు తిరిగి
సంపాదించుకోవడంతో ఆగకుండా అది అలా పరిగెడుతునే ఉంటుంది... అదంతా గ్రామాభివృద్ధికి
ఖర్చు పెట్టవలసిన సొమ్మే కదా.......
అంతే కాదు ఆ మధ్యన కొన్ని
గ్రామ పంచాయితీల్లో సర్పంచ్ పదవులను వేలం వేసారని విన్నాను. వేలం ద్వారా వచ్చిన డబ్బును
పంచాయితి అభివృద్ధికి ఉపయెగిస్తారని అంటున్నారు. నిజానికి అలా జరిగితే మంచిదే.
కానీ సర్పంచ్ పదవిని వేలంలో కొనుక్కొన్న అభ్యర్ది, ఎటువంటి లాభాపేక్ష లేకుండానే
సర్పంచ్ పదవిని ఎందుకు అంతంత డబ్బు తగలెట్టి కొంటాడు? ఒక సారి ఆలోచించిండి...
ఇలాంటి చర్యలు మనకి ఏ విధంగా
ఉపయెగపడతాయో....
అటువంటప్పుడు మన ఓట్లతో
గెలిచిన వ్యక్తి చివరకు ఊరికి ఏమి చేయలేదు అని తిట్టుకోవడం వలన ప్రయెజనం ఏముంది? ఒకప్పటి
మీద నేడు పల్లెల్లో కూడా అక్షరాక్షత శాతం బాగా పెరిగింది. ఓటర్లు కూడా అందరూ
చదువుకున్నోల్లే ఆయివున్నారు. వారందరూ అలోచించి సరైన అభ్యర్దిని ఎన్నుకుంటే స్వాత్రంత్రం
వచ్చిన ఇన్నేళ్ళ తర్వాతైనా అభివృద్దిలో కొద్దిగా ముందుకైనా వెళ్ళగలము...
లేదంటే గత 56 సం.ల
భారతదేశ చరిత్రలో రాబోయే ఐదేళ్ళ కాలమును కలిపేయాల్సియుంటుంది.....
చదువుకున్న పల్లె
యువతల్లారా అలోచించండీ... భవిష్యత్తు మీ చేతుల్లోనే ఉంది.... అభివృద్ధి జరిగితే
దేశం ఎలా ముందుకెళ్తుందో మీకు తెలిసినట్టుగా ఎవరికి తెలీదు... ముందుగా మీరు
స్వార్దం వీడీ, బంధుప్రీతి, కుల ప్రీతి, పార్టి పిచ్చి వదిలి సరయిన అభ్యర్దిలను
ప్రొత్సాహించండి......
మీ ఓట్లను డబ్బులకు కాని
మరే ఇతర ప్రలోభాలకు గాని మార్పిడి చేసుకోకండి....
మీ ఓట్లను కేవలం
అభివృద్ధి చేయగలగేవారికి మాత్రం తాకట్టు పెట్టండి....
ప్రలోభం వలన కేవలం
తాత్కాలిక ఆనందం మాత్రమే కల్గుతుంది. అదే సరయిన నిర్ణయం వలన దీర్ఘకాలిక ఆనందం మన వశం
అవుతుంది. మన పిల్లలకు మంచి భవిష్యత్తుని ఇచ్చిన వారిమి ఆవుతాము....
ఈ సారి మా ఊరిలో
చదువుకున్న వ్యక్తులు ఎలక్షన్స్ లో నిలబడుతున్నారు. వాళ్ళలో మంచి లక్షణాలు ఉన్న వ్యక్తికి ఓటు
వేయాలని అనుకుంటున్నాను. అంతే కాదు, రేపటి అభివృద్ధి చేసే విషయములో ముందస్తుగా
అతని వద్ద హమీ తీసుకుంటాను. అలాగే మీరందరు ఓట్ల కోసం మీ దగ్గరకు వచ్చే వాళ్ళ దగ్గర
అభివృద్ధి చేస్తామని హమీ తీసుకొండి.
చివరగా ఒక మాట... మనవల్ల
మంచి జరగకపోయినా పర్వాలేదు, చెడు మాత్రం జరగకూడదు....
అందుకనే మంచి వ్యక్తులకు
ఓటు వేయకపోయినా పర్లేదు కాని, చెడు వ్యక్తులకు మాత్రం ఓటు వేయకండి....
మీ బ్లాగును బ్లాగ్ వేదికలో అనుసంధానం చేసుకోండి.
ReplyDeletehttp://blogvedika.blogspot.in/