చిన్నప్పుడు...
చిన్నప్పుడు సెలవుల్లో కొబ్బరి ఆకులతో పెళ్ళి కొడుకు, పెళ్ళి కూతురు బొమ్మలను తయారుచేసి వాటికి చిన్న గుడ్డ పీలికలు బట్టలుగా చుట్టి పీటపై ఉంచి పిల్లలందరూ గుంపులుగా చుట్టుప్రక్కల ఇళ్ళకు ఊరేగింపుగా తీసుకెళ్ళి, వారు ఇచ్చే తినుబండారలను చివర్లో అందరం సమానంగా పంచుకోనేవాళ్ళం.....
కొద్దిగా పెద్దయినపుడు....
ఊర్లో ఎవరి ఇంట్లో ఆయిన పెళ్ళి ఉందంటే ఆ ఇంటి మీద మైకా (పాటల వినిపించే సాధనం) (మేము అలానే పిలిచేవాళ్ళం) (ఇప్పటికీ దానిని ఏమంటారో నాకు ఐడియాకి రావడం లేదు) నుండి పెద్ద సౌండ్ తో సినిమా పాటలు వినిపించేవి. ఆ పాటలు ఎక్కడి నుండో వస్తున్నాయో అన్నదాన్ని బట్టి పెళ్ళి సందడి ఎక్కడో అందరికీ తెలిసిపోయేది....
ఇంకొద్దిగా పెద్దయినపుడు....
ఊర్లో ఎవరిదయినా పెళ్ళంటే ఎంత సంతోషమో... ఎందుకంటే అప్పట్లో పెళ్ళిళ్లలకు ఆరుబయట తెర కట్టి సినిమాలు ప్రదర్శించేవారు. మాకు అప్పుడు అదే పెద్ద గొప్పగా ఉండేది.. ఆ రోజుల్లో మా ఊరిలో ఇంకా సినిమా ధియేటర్ లేదు. కాబట్టి ఎక్కడన్నా పెళ్ళి ఉందంటే ఆ రాత్రికి సినిమా ఉంటుందని ఫిక్స్ ఆయిపోయేవాళ్ళం. సినిమా ప్రారంభానికి గంట ముందే వెళ్ళిపోయి చాపలు, గోనేసంచిలు వేసుకొనేవాళ్ళం......
మనం కూడా పోటుగాళ్ళం రా అని అనుకున్నప్పుడు....
చుట్టాల్లో ఎవరిదయినా పెళ్ళంటే పండగే... ఎందుకంటే పెళ్ళి పేరు చెప్పి ప్రక్క ఊరు వెళ్ళొచ్చు. స్కూలుకు డుమ్మా కొట్టొచ్చు. పెళ్ళికి వెళ్ళివచ్చిన తర్వాత ఒక రెండు రోజుల పాటు మనం పెద్ద హిరో టైపు లెక్క.. ఎందుకంటే అక్కడ జరిగనవి, జరగనివి గొప్పగా చెప్పడమే మన పని.....
ఇంటర్ లో ఉన్నప్పుడు.....
ఎక్కడయినా పెళ్ళి అంటే అదో సరదా... ఎందుకంటే మంచి ఫిగర్లు కనబడతారు కదా.... మనదయినా పర్లేదు లేదా ప్రక్కింటోడిది ఆయిన పర్లేదు... అమ్మాయిల కోసమైన వెళ్ళాలి........
డిగ్రిలో ఉన్నప్పుడు....
అసలు పెళ్ళెందుకు చేసుకుంటారు రా బాబు.... అమ్మాయిలను అర్ద్రం చేసుకోవడం చాలా కష్టం.... డబ్బు ఉంటే చాలురా బాబూ... ఏ అమ్మాయి ఆయిన మన వెంట వచ్చేస్తుంది.... ఆయిన పెళ్ళి చేసుకోవడం కంటే బ్రహ్మచారిగా ఉండిపోవడమంతా ఉత్తమం ఇంకోకటి లేదురా బాబు.......
జాబులో ఉన్నప్పుడు.....
మా అమ్మ ఏంటిరా బాబు... ఇలా చంపేస్తుంది.... ప్రతి వెధవ పెళ్ళికి అటెండ్ అవ్వమని పోరు పెడుతుంది.. అమ్మ గోల పడలేక ప్రతి పెళ్ళికి అటెండ్ కావలసివస్తుంది.... ఎందుకొచ్చిన తలనొప్పో తెలియదు... అక్కడ పది మంది పలకరిస్తారు... ఏమి మాట్లాడతాము వాళ్ళతో....
కొద్ది కాలం తర్వాత....
రేయ్ అప్పుడే పెళ్ళేంటి రా నీకు.... అప్పుడే లైఫ్ మీద బోర్ కొట్టేసిందా నీకు... వెధవ.. లైఫ్ ఎంజాయ్ చేయడం మానేసి పెళ్ళి అంటు నీ గొడవ ఏంటి రా...... పెళ్ళికి రెడి ఆయిన చిన్ననాటి స్నేహితుడిని..
కుటుంబానికి దూరంగా బయట రూమ్ లో ఉన్నప్పుడు....
ఎవరిదయినా పెళ్ళి ఉంటే చూడండరా.... రూమ్ లో భోజనం తిని తిని నాలుక చచ్చిపోయింది. కొద్దిగా పెళ్ళి భోజనం తింటే జిహ్ఘ కొద్దిగానయిన తీరుతుంది......పైగా ఇప్పటికే పెళ్ళి వయసు వచ్చేసింది... ఇంక పెళ్ళి చేసుకోపోతే ఎవడూ మనకి పిల్లను ఇవ్వడు..... అందుకే పనిలో పనిగా ఎవరయినా అమ్మాయి కనబడితే పెద్దలతో మాట్లాడించేద్దాము...
ఇప్పుడు.....
నా పెళ్ళి... మా చుట్టాలమ్మాయి ఉషశ్రీ తో ఈ నెల 26 తేదిన వివాహం జరుగుతుంది.... ఆ అమ్మాయి చాలా మంచిది. నేను చాలా అదృష్టవంతుడిని అలాంటి మంచి అమ్మాయి నాకు దొరకడం.... మొత్తానికి ఇన్నాళ్ళకు మనకి మంచి రోజులొచ్చాయి... ఇక్కడ నుండి బయట తిండి తినవలసిన భాద తప్పుతుంది....
రేపు....
???????
?????????????
Interesting.
ReplyDeleteCongratulations to you!
Thank you sir....
DeleteSuperb !!!
ReplyDeletethanks madam....
Deletesuper
ReplyDeleteinteresting
anttha experience tho rasaru, repu kuda ????? experience thone telustundi.
చందు గారు...
Deleteఅందుకనే రేపటి గురించి రాయలేదు... ఏదైనా మీరన్నట్టు అనుభవం మీదే తెలుస్తుంది....
ధన్యవాదములు..
సూర్య సింధూర గారు...
ReplyDeleteధ్యాంక్స్ అండీ మీ అబినందనలకు...
అంతే కాకుండా,
పెళ్ళయిన వాళ్ళు తమ హార్షాతిరేకాలను, పెళ్ళి కాని వాళ్ళు తమ సానుభూతిని తెలియపరిస్తే ఇంకా బాగుంటుంది...
ఏమంటారు??
ధన్యవాదములతో..
congrats. repu kudaa saradaagaa,,,,,,,,,,,,,,,,,,,,,,,,,,,,,
ReplyDeleteఅంచెలంచెలుగా ఎదిగారు ...హ...హా.. బాగుంది చాలా
ReplyDelete